Իդա-Վիրումաա միջին մասնագիտական ուսումնական կենտրոնի պատվիրակության այցը Հայ-Հունական քոլեջ

 
Հայ-հունական քոլեջի միջազգային գործընկեր՝ Էստոնիայի Հանրապետության Իդա-Վիրումաա միջին մասնագիտական ուսումնական կենտրոնի պատվիրակությունը կենտրոնի տնօրեն Հաննես Մետցի գլխավորությամբ ս.թ. հոկտեմբերի 25-ին հերթական այց կատարեց հայ-հունական քոլեջ:
Հայ-հունական քոլեջի սաները և անձնակազմը, ինչպես միշտ, ջերմորեն ընդունեցին արտասահմանցի հյուրերին: Այցի սկզբում պրն. Մետցը հայ-հունական քոլեջի նոր տնօրեն պրն. Ա. Ղազարյանի հետ քննարկեց համագործակցության քայլերը և միջոցառումները, ըստ այդմ էլ երկու ուսումնական հաստատությունների միջև ակադեմիական համագործակցության նոր պայմանագիր կնքվեց, ինչպես նաև տնօրենները համագործակցության հուշագրեր փոխանակեցին:
Այնուհետև քոլեջի «Հանրային սննդամթերքի տեխնոլոգիա» մասնագիտության ուսանողները հյուրերի համար վարպետաց դաս ցուցադրեցին, որի ժամանակ պատրաստեցին Քյուֆթա՝ ծեծած մսով և Խուրջին՝ տավարի մսով: Հյուրերին հրավիրեցին համտեսելու հայկական ավանդական խոհանոցի համեղ ուտեստներն ու աղանդերները, որոնք իրենք էին պատրաստել: Այցի վերջում պայմանավորվածություն ձեռք բերվեց, որ հայ-հունական քոլեջի ներկայացուցիչները ս.թ. նոյեմբեր-դեկտեմբեր ամիսներին այցելեն Էստոնիա
Image

Հայ-Հունական քոլեջը Էստոնիայում

 
Միջազգային համագործակցության շրջանակներում Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի պատվիրակությունը՝ տնօրեն Ա. Ղազարյանի գլխավորությամբ, նախնական պայմանավորվածության համաձայն ս.թ. նոյեմբերի 25-ից դեկտեմերի 2-ը փոխադարձ այց կատարեց Էստոնիայի Հանրապետություն:
Image
Այնտեղ հանդիպեցին էստոնացի գործընկերներին, եղան Վալգայի միջին մասնագիտական ուսումնական կենտրոնում, Իդա-Վիրումաա միջին մասնագիտական ուսումնական կենտրոնի երեք մասնաճյուղերում (Ք. Սիլլամյաե, ք. Նարվա և ք. Իխվի), որոնց հետ արդեն 10 տարի է, ինչ քոլեջը համագործակցում է:
Պատվիրակությունը փորձի փոխանակման ծրագրի շրջանակներում այցելեց նաև Տարտուի միջին մասնագիտական ուսումնական կենտրոն, ինչպես նաև Տարտուի համալսարան, որտեղ սովորել է հայ անվանի գրող, արևելահայ աշխարհաբար գրականության հիմնադիր Խ. Աբովյանը:
Հայ-հունական քոլեջի պատվիրակությունը վերոնշյալ էստոնական ուսումնական հաստատությունների տնօրինության հետ քննարկեց հետագա համագործակցության ուղիները, հետագա այցերի ժամկետները, ինչպես նաև պայմանավորվածություն ձեռք բերվեց, որի համաձայն 2018 թվականի մայիսին Հայ-հունական քոլեջի ուսանողներն ու դասախոսները կմեկնեն Էստոնիայի Հանրապետության Վալգա և Իդա-Վիրումաա միջին մասնագիտական ուսումնական կենտրոններ մասնագիտական պրակտիկան անցկացնելու նպատակով:

ՄԿՈՒ ոլորտի բազմավաստակ մանկավարժներին


Կրթության ոլորտում ներդրած բազմամյա վաստակի և «Ուսուցչի օրվա» կապակցությամբ նախնական մասնագիտական
/արհեստագործական/ և միջին մասնագիտական ուսումնական հաստատությունների մի խումբ աշխատակիցներ ս.թ. հոկտեմբերի 19-ին պարգևատրվեցին ՀՀ կրթության և գիտության նախարարության պատվոգրով և շնորհակալագրով: Մասնակիցներին շնորհավորել և պարգևները հանձնել է ՀՀ կրթության և գիտության նախարարի տեղակալ Մանուկ Մկրտչյանը: Վերջինս կարևորել է այն փաստը, որ մասնագիտական կողմնորոշման խնդիրն արդեն դրվում է ավելի վաղ տարիքում, և սովորողները հնարավորություն ունեն կողմնորոշվել իրենց ապագա մասնագիտության հարցում: «Այս հարցում մեծ է նաև ձեր դերակատարումը: Դուք վստահաբար հաղթահարում եք տեղերում ի հայտ եկած բոլոր խնդիրները և լավ արդյունքներ արձանագրում: Այս պարգևները ձեր աշխատանքի գնահատականն են, և ես հույս ունեմ, որ այն ձեզ ավելի կոգևորի և նոր լիցքեր կհաղորդի»,-նշել է Մանուկ Մկրտչյանը` շնորհակալություն հայտնելով բոլոր մանկավարժներին` իրենց ամենօրյա նվիրական աշխատանքի համար:


Հայ-հունական քոլեջից պարգևատրվել են պրակտիկայի բաժնի վարիչ, դասախոս`
Մելանյա Ղազարյանը,
Օտար լեզուների ամբիոնի վարիչ, դասախոս Ռուզաննա Սանդոյանը:

Շնորհավորում ենք
Շնորհակալ ենք Ձեր ամենօրյա նվիրական աշխատանքի համար
Image

Մասնագիտության ծանոթության օր


Հոկտեմբերի 15-ին մասնագիտական կրթություն և ուսուցում համագործակցության ծրագրի շրջանակներում «Արիես Լանչ» ՍՊԸ-ում կայացավ «ՄԱՍՆԱԳԻՏՈՒԹՅԱՆ ԾԱՆՈԹԱՑՄԱՆ ՕՐ» մրցույթը, որտեղ Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի թիմն իր ջանասիրության և խոհարարական վարպետության շնորհիվ գրավեց առաջին տեղը:

Մրցույթի գնահատման չափանիշներն էին՝
• ճաշատեսակի բարդություն և բազմազանություն,
• ճաշատեսակի ձևավորում և մատուցում,
• համ, որակ,
• թիմային աշխատանքի հմտություններ,
• ժամանակային գրաֆիկի պահպանում,
• միջավայրի պահպանություն( սննդի էֆեկտիվ օգտագործում, մաքրություն, անաղմուկ աշխատանք):
Հայ-հունական քոլեջի ուսանողները կմասնակցեն նաև մրցույթի 2-րդ փուլին, որը կկայանա մինչև տարեվերջ:
Image

Ուսուցչի օր


ՈՒսուցչի օրվա առթիվ հայ-հունական քոլեջի ուսանողները հանդես եկան երգ ու պարով, հումորային բեմականացմամբ:
Միջոցառումն իրենց երգերով զարդարեցին նաև Երևանի էստրադային և ջազային արվեստի պետական քոլեջի սաները:
 
Image

«Արենի» գինու փառատոն


Հայ- հունական քոլեջը 9-րդ ավանդական «Արենի» գինու փառատոնին:  


Image

Շաբաթօրյակ

 
Ս.թ. հոկտեմբերի 7-ին Շենգավիթ վարչական շրջանի աշխատակազմի հրահանգով հայ-հունական քոլեջում շաբաթօրյակ կազմակերպվեց, որի ընթացքում քոլեջի սաներն իրենց դասղեկների ուղեկցությամբ մաքրեցին ոչ միայն քոլեջը, այլև նրա հարակից տարածքը:


Image
Սեպտեմբերի 28-ին Շենգավիթ վարչական շրջանի զինղեկներն իրենց հերթական ժողովն անցկացրեցին hայ-հունական քոլեջում: Ժողովի ընթացքում քոլեջի զինղեկ Վ. Պապիկյանը հանդես եկավ <<Միջազգային մարդասիրական իրավունք>> զեկույցով:
Զինղեկները՝ Շենգավիթ վարչական շրջանի զինղեկների համակարգող Ռ. Բախշյանի և Վետերանների միության նախագահ Ս. Եսայանի գլխավորությամբ կատարեցին դասալսում՝ ՆԶՊ առարկայի դասի կառուցվածքին ծանոթանալու նպատակով:
Դասալսումից հետո hայ-հունական քոլեջի տնօրեն Ա.Ղազարյանի հետ ի թիվս ընթացիկ հարցերի՝ քննարկեցին հայրենասիրական դաստիարակությանը վերաբերող մի շարք հիմնախնդիրներ և հետագա միջոցառումների պլանը:
Image
Արյունաբանության և ուռուցքաբանության հայկական ասոցացիայի ուռուցքաբանության ամբիոնի կլինիկական արդինատոր Ջ. Առաքելյանն ուսանողների հետ անցկացրեց հանդիպում-քննարկում <<Առողջ ապրելակերպ>> և <<Ուռուցքային հիվանդությունների կանխարգելում և բուժում>> թեմաներով:
Image
Հայաստանի Հանրապետության անկախության 26 ամյակին նվիրված դասախոսությունը սկսվեց օրհներգով, ավարտվեց ուսանողների կողմից կազմակերպված երգ ու պարով:
Image

Նարվայի մասնագիտական ուսումնական կնետրոնի պատվիրոակության այցը Հան-Հունական քոլեջ

 
Ս.թ. հուլիսի 28-ին Հայ-հունական քոլեջ այցելեց Նարվայի (Էստոնիայի Հանրապետություն) մասնագիտական ուսումնական կենտրոնի պատվիրակությունը՝ կենտրոնի տնօրեն Ելենա Լոխմատովայի գլխավորությամբ:

Հայ-հունական քոլեջի դասախոսական անձնակազմն ու ուսանողները ջերմորեն ընդունեցին միջազգային գործընկերներին: Հայաստանի և Էստոնիայի կրթական համակարգերի շուրջ քննարկումներից հետո, ուսանողները պատվիրակությանը ավանդական հայկական խաղողի թփով տոլմայի վարպետաց դաս ցուցադրեցին՝ հյուրերին մասնակից դարձնելով տոլմայի պատրաստման ընթացքին:

Վարպետաց դասից հետո բոլոր հյուրերին հրավիրեցին համտեսի սրահ՝ ուսանողների ձեռքերով պատրաստված համեղ ուտեստները համտեսելու:
Image
Image
Image
Image

Ռիգայի տուրիզմի և գեղարվեստի արդյունաբերության տեխնիկական քոլեջի պատվիրակության այցը Հայ- Հունական քոլեջ

 
Ռիգայի տուրիզմի և գեղարվեստի արդյունաբերության տեխնիկական քոլեջի պատվիրակությունը, տնօրեն տիկին Սիլվա Օզոլինայի գլխավորությամբ ս.թ. ապրիլի 3-ին հյուրընկալվեց Երևանի զբոսաշրջության, սպասարկման և սննդի արդյունաբերության հայ-հունական պետական քոլեջում:

Տնօրենի մասնակցությամբ համագործակցության հետագա քայլերը քննարկելուց հետո պատվիրակությունը մասնակցեց հայ-հունական քոլեջի շնորհանդեսին:

Ավանդույթը չխախտելով՝ հայ-հունական քոլեջի ուսանողները լատվիացի հյուրերին հրավիրեցին ուսումնական խոհանոց՝ հայկական ավանդական տոլմայի վարպետաց դասին մասնակցելու, որին հաջորդեց ուսանողների կողմից նախապես պատրաստված զանազան խորտիկների համտեսումը:

Ռիգայի տուրիզմի և գեղարվեստի արդյունաբերության տեխնիկական քոլեջի պատվիրակությունն իր խորին շնորհակալությունը հայտնեց հայ-հունական քոլեջի անձնակազմին և ուսանողությանը ջերմ ընդունելության համար և ի նշան երախտագիտության՝ նրանց հանձնեց հուշանվերներ:
Image