Հայ-հունական պետական քոլեջ-ի պատվիրակությունը մասնակցում է համաժողովի Միջերկրական Ծովում
2011 թվականից անդամակցելով զբոսաշրջային եւ հյուրանոցային քոլեջների եւվրոպական ասոցիացիային` քոլեջն իր մշտական ներկայությունն է դրսեւորել ասոցիացիայի կողմից կազմակերպված միջոցառումներին՝ ՄԿՈՒ համակարգի ուսանողների համար կազմակերպված մրցույթներին, տարեկան համաժողովներին, քննարկումներին:
2013թ. նոյեմբերի 10-15-ը կայացավ զբոսաշրջային եւ հյուրանոցային քոլեջների եւվրոպական ասոցիացիայի 25-րդ տարեկան համաժողովը, որը կազմակերպվել էր Միջերկրական Ծովում՝ Կոստա Մեդիտերանիա նավում: Համաժողովին մասնակցում էր նաեւ քոլեջի 15 հոգանոց պատվիրակությունը տնօրեն Արթուր Վարդանյանի գլխավորությամբ:
Քոլեջի վարչական եւ դասախոսական կազմի ներկայացուցիչներից բացի պատվիրակության կազմում էին Բերդի պետական քոլեջի եւ «Գրիգորիս» բժշկա-հումանիտար քոլեջի տնօրենները, ինչպես նաեւ ՀՀ այլ ուսումնական հաստատությունների ներկայացուցիչներ: Նավն իր երթուղին սկսեց Սավոնա նավահանգստից /Իտալիա/, այնուհետեւ ուղեւորվեց Բարսելոնա եւ Պալմա դե Մայորկա /Իսպանիա/, որից հետո ուղեւորվեց Մարսել /Ֆրանսիա/, այնուհետեւ վերադարձավ Սավոնա նավահանգիստ: Տնօրեն Ա.Վարդանյանը՝ որպես ազգային ներկայացուցիչ, մասնակցեց ասոցիացիայի գլխավոր ասամբլեայի եւ գործադիր խորհրդի նիստերին, որտեղ կայացան ասամբլեայի նախագահի նոր ընտրություններ, քննարկվեց եւ հաստատվեց 2014 թ. միջոցառումների ծրագիրն ու գործողությունների պլանը: Պատվիրակությունը նաեւ ներկա գտնվեց ասոցիացիայի կողմից կազմակեպված խոհարարության, հյուրանոցային գործի, զբոսաշրջության եւ գինու համտեսման ուսանողների մրցույթին: Համաժողովի ավարտին մասնակիցներին շնորհվեց մասնակցության հավաստագիր:
Հունական խոհանոցի կերակրատեսակների պատրաստման տեխնոլոգիա
2013 թվականի նոյեմբերի 4-ին Երևանի զբոսաշրջության, սպասարկման և սննդի արդյունաբերության, հայ-հունական պետական քոլեջը նախնական պայմանավորվածության համաձայն իր հյուրընկալ դռներն էր բացել ՀՀ-ում Հունաստանի Հանրապետության արտակարգ եւ լիազար դեսպան Իոաննիս Տաղիսի, նրա տիկնոջ Անդրոմախի Մենթզելայի եւ դեսպանության անդամ Մարիա Ղալանոպուլուի առջեւ: Այցի նպատակը տիկին Անդրոմախիի կողմից կազմակերպված «Հունական խոհանոցի կերակրատեսակների պատրաստման տեխնոլոգիա» խորագրով բաց դասի կազմակերպումն էր քոլեջի դասախոսական եւ ուսանողական կազմի համար: Հյուրերին քոլեջի ուսանողներն ընդունեցին հունական երգ ու պարով, ներկայացվեց Հունաստանի պատմությունն ու հայ եւ հույն ժողովուրդների մշակութային ընդհանրությունները, որից հետո դեսպանի կինը եւ տիկին Մարիան քոլեջի սննդի լաբորատորիայում ուսանողներին եւ դասախոսներին ներկայացրեցին հունական կերակրատեսակների պատրաստման տեխնոլոգիան, պատրաստեցին հունական նախուտեստներ, հիմնական կերակրատեսակներ, աղանդեր, որոնք համտեսվեցին քոլեջի Արարատ սրահում: Այցի շրջանակներում դեսպանի հետ քննարկվեցին քոլեջի եւ Հունաստանի համանուն ուսումնական հաստատությունների հետ հետագա համագործակցության քայլերը, գարնանը քոլեջի պատվիրակության կազմում դեպի Հունաստան ուսանողների այցելության հնարավորությունները: Հանդիպման ամփոփման ընթացքում որոշվեց հաջորդ անգամ կազմակերպել միջոցառում հունական երգի եւ պարի ցուցադրման ուղղությամբ:
ԽՈՀԱՐԱՐՈՒԹՅԱՆ ՎԱՐՊԵՏՈՒԹՅԱՆ ԴԱՍԸՆԹԱՑՆԵՐ ՀԱՅ-ՀՈՒՆԱԿԱՆ ՊԵՏԱԿԱՆ ՔՈԼԵՋՈՒՄ
2013 թվականի հոկտեմբերի 28-ից Երևանի զբոսաշրջության, սպասարկման և սննդի արդյունաբերության, հայ-հունական պետական քոլեջում մեկնարկեց ՀՀ կրթության և գիտության նախարարության և ֆրանսիական GREF կազմակերպության կողմից կազմակերպված խոհարարության գծով 1 շաբաթյա վարպետության դասընթացը, որն իրականացվում է Ֆրանսիայից ժամանած մասնագետի կողմից: Դասընթացին մասնակցում են ՀՀ ՄԿՈՒ 10 հաստատություններից թեկնածուներ, ովքեր հնարավորություն ունեն ծանոթանալու Ֆրանսիայում խոհարարության դասավանդման բնագավառում կիրառվող մեթոդներին, ինչպես նաև կատարելու փորձի փոխանակում ֆրանսիացի փորձագետ-դասախոսի հետ: Դասընթացն իրականացվում է տեսական եւ գործնական պարապմունքների միջոցով: Ծանոթանալով կերակրատեսակների պատրաստման բաղադրատոմսերին՝ դասախոսները տեղում պատրաստում են կերակրատեսակներ:
2013 թվականի հոկտեմբերի 28-ից Երևանի զբոսաշրջության, սպասարկման և սննդի արդյունաբերության, հայ-հունական պետական քոլեջում մեկնարկեց ՀՀ կրթության և գիտության նախարարության և ֆրանսիական GREF կազմակերպության կողմից կազմակերպված խոհարարության գծով 1 շաբաթյա վարպետության դասընթացը, որն իրականացվում է Ֆրանսիայից ժամանած մասնագետի կողմից: Դասընթացին մասնակցում են ՀՀ ՄԿՈՒ 10 հաստատություններից թեկնածուներ, ովքեր հնարավորություն ունեն ծանոթանալու Ֆրանսիայում խոհարարության դասավանդման բնագավառում կիրառվող մեթոդներին, ինչպես նաև կատարելու փորձի փոխանակում ֆրանսիացի փորձագետ-դասախոսի հետ: Դասընթացն իրականացվում է տեսական եւ գործնական պարապմունքների միջոցով: Ծանոթանալով կերակրատեսակների պատրաստման բաղադրատոմսերին՝ դասախոսները տեղում պատրաստում են կերակրատեսակներ:
ՀՅՈՒՐԸՆԿԱԼՈՒԹՅՈՒՆ ԱՂ ՈՒ ՀԱՑՈՎ
2013 թվականի հունիսի 14-ին Երեւանի զբոսաշրջության, սպասարկման եւ սննդի արդյունաբերության հայ-հունական պետական քոլեջը իր հյուրընկալ դռներն էր բացել Հայաստանի Հանրապետությունում Հունաստանի Հանրապետության արտակարգ եւ լիազոր դեսպան Իոանիս Տաղիսի առջեւ: Դեսպանին աղ ու հացով դիմավորեցին քոլեջի վարչակազմը, դասախոսները եւ ուսանողները: Քոլեջի ուսանողները դեսպանի համար կատարեցին մշակութային համար՝ հունական պար «Սիրտակի», որից հետո կարճ Էկսկուրսիայի միջոցով ներկայացվեց քոլեջը՝ նյութատեխնիկական բազան, ստորաբաժանումները, լսարանները, լաբորատորիաները, ուսումնական հյուրանոցը, համտեսի սրահը եւ այլն: Շնորհանդեսի միջոցով դեսպանին ներկայացվեց քոլեջի գուրծունեությունը, իրականացվող մասնագիտությունները եւ կարճաժամկետ վերապատրաստման դասընթացները, սոցիալական գործընկերության եւ միջազգային համագործակցության բնագավառում առաջխաղացումները: Դեսպանը մասնակցեց կազմակերպված բաց դասերի նվիրված հուներեն լեզվին եւ հայկական խոհանոցին, որտեղ էլ համտեսեց քոլեջի ուսանողների կողմից պատրաստված հայկական ավանդական կերակրատեսակները: Հայտնելով իր գոհունակությունը՝ դեսպանը խոստացավ օժանդակություն ցուցաբերել քոլեջին Հունաստանի համանուն ուսումնական հաստատությունների հետ նորանոր ակադեմիական համագործակցության եզրեր գտնելու գործում:
2013 թվականի հունիսի 14-ին Երեւանի զբոսաշրջության, սպասարկման եւ սննդի արդյունաբերության հայ-հունական պետական քոլեջը իր հյուրընկալ դռներն էր բացել Հայաստանի Հանրապետությունում Հունաստանի Հանրապետության արտակարգ եւ լիազոր դեսպան Իոանիս Տաղիսի առջեւ: Դեսպանին աղ ու հացով դիմավորեցին քոլեջի վարչակազմը, դասախոսները եւ ուսանողները: Քոլեջի ուսանողները դեսպանի համար կատարեցին մշակութային համար՝ հունական պար «Սիրտակի», որից հետո կարճ Էկսկուրսիայի միջոցով ներկայացվեց քոլեջը՝ նյութատեխնիկական բազան, ստորաբաժանումները, լսարանները, լաբորատորիաները, ուսումնական հյուրանոցը, համտեսի սրահը եւ այլն: Շնորհանդեսի միջոցով դեսպանին ներկայացվեց քոլեջի գուրծունեությունը, իրականացվող մասնագիտությունները եւ կարճաժամկետ վերապատրաստման դասընթացները, սոցիալական գործընկերության եւ միջազգային համագործակցության բնագավառում առաջխաղացումները: Դեսպանը մասնակցեց կազմակերպված բաց դասերի նվիրված հուներեն լեզվին եւ հայկական խոհանոցին, որտեղ էլ համտեսեց քոլեջի ուսանողների կողմից պատրաստված հայկական ավանդական կերակրատեսակները: Հայտնելով իր գոհունակությունը՝ դեսպանը խոստացավ օժանդակություն ցուցաբերել քոլեջին Հունաստանի համանուն ուսումնական հաստատությունների հետ նորանոր ակադեմիական համագործակցության եզրեր գտնելու գործում:
Հայ-Հունական պետական քոլեջն ընդլայնում է իր միջազգային կապերը
«Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի եւ Էստոնիայի Հանրապետության Իդա-Վիրու մասնագիտական կրթական կենտրոնի միջեւ ձեռք բերված ակադեմիական համագործակցության նախնական պայմանավորվածությունը համապատասխան պայմանագրով ամրագրելու նպատակով 2013թ. մայիսի 15-20-ը Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ էին ժամանել Իդա-Վիրու մասնագիտական կրթական կենտրոնի եւ Ռակվերեյի մասնագիտկան ուսումնական կենտրոնի պատվիրակությունները: Աշխատանքային այցի շրջանակներում հյուրերը տեղում ծանոթացան քոլեջի նյութատեխնիկական բազային եւ կրթական ծրագրերին, մասնակցեցին քոլեջի դասախոսների կողմից կազմակերպված բաց դասերի, հետեւեցին ուսանողներին կողմից ճաշատեսակների պատրաստման տեխնոլոգիական գործընթացին եւ համտեսեցին ուսանողների պատրաստած հայկական կերակրատեսակները:
Կողմերի միջեւ ստորագրվեց ակադեմիական համագործակցության պայմանագիր, որը ենթադրում է փորձի, ծրագրերի, դասախոսների եւ ուսանողների փոխանակում: Պատվիրակություններն այցելեցին քոլեջի ուսանողների պրակտիկայի մեկնման կազմակերպություններ, որտեղ սոցիալական գործընկերների հետ քննարկվեց ուսումնական հաստատության առաջարկի եւ աշխատաշուկայի պահանջարկի համապատասխանեցման հարցերը: Հյուրերն այցելեցին նաեւ Երեւանի թիվ 6 արհեստագործական ուսումնարան եւ Դիլիջանի պետական քոլեջ: Պաշտոնական ծրագրի մաս էր կազմում նաեւ այցելությունը ՀՀ ԿԳՆ ԿԱԻ Մասնագիտական կրթության եւ ուսուցման զարգացման ազգային կենտրոն /ՄԿՈՒԶԱԿ/, որտեղ հյուրերին ընդունեց կենտրոնի տնօրեն Տաթեւիկ Գասպարյանը, ով ներկայացրեց ՀՀ ՄԿՈԻ համակարգը եւ բարեփոխումների գործընթացը:
“Skills for meaningful life” «Հմտություններ հանուն իմաստալից կյանքի"
«Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի եւ Էստոնիայի Ախտմեի դպրոցի միջեւ հաստատված համագործակցության շրջանակներում Եվրոպական Միության “Youth in Action” հիմնադրամի կողմից կազմակերպված “International exchange “Skills for meaningful life” առողջական որոշակի խնդիրներ ունեցող ուսանողների համար կազմակերպված միջազգային ուսանողական ճամբարին մասնակցելու նպատակով 2013թ. մայիսի 11-ից 19-ը Էստոնիայի Հանրապետություն էին ժամանել «Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի դասախոսները եւ ուսանողները: Ծրագրին մասնակցում էին ներկայացուցիչներ Էստոնիայից, Լեհաստանից, Ռուսաստանից, Վրաստանից, Ֆինլանդիայից և Հայաստանից: Հայաստաը ներկայացնում էին Երևանի զբոսաշրջության, սպասարկման և սննդի արդյունաբերության հայ-հունական պետակա քոլեջի երկու դասախոսներ և վեց ուսանողներ: Նախագծի նպատակն էր իրականացնել երիտասարդների միջեւ փորձի փոխանակում, ինչպես նաև առողջ սննդի և ապրելակերպի ուսուցում:
«Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի եւ Էստոնիայի Ախտմեի դպրոցի միջեւ հաստատված համագործակցության շրջանակներում Եվրոպական Միության “Youth in Action” հիմնադրամի կողմից կազմակերպված “International exchange “Skills for meaningful life” առողջական որոշակի խնդիրներ ունեցող ուսանողների համար կազմակերպված միջազգային ուսանողական ճամբարին մասնակցելու նպատակով 2013թ. մայիսի 11-ից 19-ը Էստոնիայի Հանրապետություն էին ժամանել «Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի դասախոսները եւ ուսանողները: Ծրագրին մասնակցում էին ներկայացուցիչներ Էստոնիայից, Լեհաստանից, Ռուսաստանից, Վրաստանից, Ֆինլանդիայից և Հայաստանից: Հայաստաը ներկայացնում էին Երևանի զբոսաշրջության, սպասարկման և սննդի արդյունաբերության հայ-հունական պետակա քոլեջի երկու դասախոսներ և վեց ուսանողներ: Նախագծի նպատակն էր իրականացնել երիտասարդների միջեւ փորձի փոխանակում, ինչպես նաև առողջ սննդի և ապրելակերպի ուսուցում:
«Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի եւ Էստոնիայի Հանրապետության Ախտմեի դպրոցի միջեւ հաստատված համագործակցության շրջանակներում դպրոցի տնօրեն Ելենա Դիտյատկինաի հրավերով 2013 թվականի մարտի 25-ից 29-ը տեղի ունեցավ «Երեւանի զբոսաշրջության, սպասարկման եւ սննդի արդյունաբերության հայ-հունական պետական քոլեջ» ՊՈԱԿ-ի տնօրեն Արթուր Վարդանյանի գործնական այցը Էստոնիայի Հանրապետություն: Գործուղման նպատակն էր ուսումնասիրել եւ իրականացնել նախապատրաստական աշխատանքներ 2013թ. մայիսի 12-ից 20-ը Վրաստանի, Էստոնիայի, Լեհաստանի, Ռուսաստանի, Ֆինլանդիայի մասնագիտական ուսումնական կենտրոնների եւ «Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի որոշակի առողջական շեղումներ ունեցող ուսանողների համար Էստոնիայում կայանալիք ուսանողական ճամբարի կազմակերպման ուղղությամբ: Գործուղման ընթացքում Պյառնու քաղաքում ճանաչողական հանդիպում կազմակերպվեց ծրագրի համակարգողների, ինչպես նաեւ Վրաստանի, Էստոնիայի, Լեհաստանի, Ռուսաստանի, Ֆինլանդիայի մասնագիտական ուսումնական հաստատությունների տնօրենների եւ պատվիրակությունների մյուս ներկայացուցիչների հետ: Այցելություն կազմակերպվեց Պյառնուի մասնագիտական ուսումնական կենտրոն, որտեղ ներկայացվեց Էստոնիայի եւ Լեհաստանի ներառական կրթության կազմակերպման սկզբունքները, կենտրոնի ստորաբաժանումների գործառույթները, ուսումնասիրվեց կենտրոնի մասնագիտական խոհանոցը, որտեղ ուսանողները պետք է ներկայացնեն իրենց ազգային խոհանոցի կերակրատեսակները: Կազմակերպվեցին քննարկումներ ուսանողական ճամբարի կազմակերպման համար անհրաժեշտ գործողությունների, ծրագրի ժամանակացույցի, օրակարգի, անհրաժեշտ օժանդակ միջոցների, ծրագրի նպատակների, ակնկալվող արդյունքների եւ «Երիտասարդական անձնագրերի» կազմման, ինչպես նաեւ ուսուցման ոչ ֆորմալ մեթոդների վերաբերյալ:
«Առողջ քաղաքային կյանք» նախագծի կազմակերպիչը հանդիսանում է Էստոնիայի Հանրապետության Նարվայի Վանալինյան պետական դպրոցը. Նախագծի շրջանակներում մարտի 20-26-ը Երեւանում իրականացվում են ուսանողների միջեւ հանդիպումներ եւ քննարկումներ մարդկանց առողջության վրա մեծ քաղաքների ազդեցության ուղղությամբ:
Երևանի զբոսաշրջության, սպասարկման և սննդի արդյունաբերության հայ-հունական պետական քոլեջի տնօրեն Արթուր Վարդանյանը նշեց, որ քոլեջի համագործակցությունը եվրոպական երկրների հետ սկսվել է դեռեւս չորս տարի առաջ. «Սերտ համագործակցում ենք մասնավորապես Էստոնիայի եւ Լատվիայի հետ: Փոխադարձ այցելությունների շնորհիվ ծնվեցին նոր ծրագրեր եւ հանդիպումներ, այդ թվում` այս ծրագիրը: Հայտը ներկայացրել է Էստոնական կողմը` ընդգրկելով նաեւ հայկական կողմին: Ծրագրին մասնակցում են մինչեւ 17 տարեկանները: Ծրագրի նպատակն է` նրանց շրջանում զարգացնել հանդուրժողականությունը, համբերությունը, բարձրացնել հետաքրքրությունը հարեւան երկրների մշակույթի եւ խոհանոցի հանդեպ, ինչպես նաեւ` միմյանց շրջանում հարգանք ձեւավորել: Կարծում եմ` ծրագիրը հաջողվել է»: Պարոն Վարդանյանի խոսքով. «Հյուրերը տպավորված են հայկական կողմի ընդունելությունից:
Սա մեր մշակույթը ներկայացնելու հիանալի հնարավորություն է»: Էստոնիայի Նարվայի «Վանալինա» պետական դպրոցի ներկայացուցիչ Նատալիա Մախնովան հայտնեց, որ ծրագիրը ֆինանսավորվում է ԵՄ-ի կողմից. «Սա հնարավորություն է, որպեսզի երիտասարդները շփվեն, դրսեւորվեն եւ ներկայացնեն իրենց նախաձեռնությունները»: Մախնովան ասաց, որ Երևան եկած մասնակիցները շրջում են քաղաքով, ուսումնասիրում այն եւ ուշադրություն դարձնում այն հանգամանքին, թե ինչն է քաղաքացիներին հաճելի Երևանում: JASMA Զարգացման և Համագործակցության բազմամշակութային երիտասարդական միավորման ներկայացուցիչ Ալեքսանդր Մորոզովը (Լատվիա) պատմեց, որ «դասական» ճանապարհով չեն նախընտրել գալ Երևան. «Ռիգայից ինքնաթիռով ժամանել ենք Թբիլիսի, որտեղից էլ միկրոավտոբուսով հասել Երևան: Սևանն ենք տեսել»: Մորոզովը նշեց, որ ծրագիրը հագեցած է եւ տպավորիչ. «Երեկ, օրինակ, միջմշակութային երկխոսության երեկո կայացավ, որի ընթացքում ամեն երկիր ներկայացրեց իր ազգային կերակրատեսակները: Մենք տոլմա պատրատել սովորեցինք, իսկ ռուսները բլինչիկ էին պատրաստել: Հայերը նաեւ իրենց պարերով ցնցեցին: Էստոնացիները եւ ռուսները «շոկի» մեջ էին»:
Ամբողջական հոդվածը կարող եք կարդալ՝
Ամբողջական հոդվածը կարող եք կարդալ՝
2013թ. փետրվարի 26-ին մեկնարկեց «Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ի 2012-2013թ. ուսումնական տարվա 2307 «Զբոսաշրջություն» և 2711 «Հանրային սննդամթերքի տեխնոլոգիա» մասնագիտությունների պետական ամփոփիչ ատեստավորման գործընթացը, որին հրավիրված էին Մասնագիտական կրթության և ուսուցման ազգային կենտրոնի /ՄԿՈՒԶԱԿ/ տնօրեն Տ.Գասպարյանը, ՀՀ առևտրաարդյունաբերական պալատի կրթության և գիտության բաժնի պետ Վ.Հովհաննիսյանը, «Հայ խոհարարական ավանդույթների զարգացման և պահպանման» ՀԿ-ի նախագահ Ս.Մամուլյանը, «Երևանի հումանիտար-տեխնիկական քոլեջ» ՊՈԱԿ-ի տնօրեն Ն.Մարտիրոսյանը և պրակտիկայի բաժնի վարիչը, «Յունայթեդ տրավել» տուրիստական գործակալության գործադիր տնօրեն Ն.Մկրտչյանը և այլ գործատուներ: Քննություններն ընթանում էին ոչ միայն տեսական հարցերի լիարժեք պատասխաններով, այլ նաև կարողությունների ցուցադրությամբ:
«Հանրային սննդամթերքի տեխնոլոգիա» մասնագիտության ապագա շրջանավարտները պատրաստում էին տարբեր երկրների խոհանոցները բնորոշող կերակրատեսակներ և ներկայացնում դրանց պատրաստման տեխնոլոգիան: Իսկ «Զբոսաշրջություն» մասնագիտության ուսանողները «Զբոսաշրջության կազմակերպում», «Հյուրանոցային գործ», «Հյուրընկալություն», «Տուր օպերատրական գործ», և «Տրանսպորտային փոխադրամիջոցներ և թիքեթինգ» առարկաներից ո՛չ միայն պատասխանում էին քննական հարցատոմսերով նախատեսված հարցերին, այլ նաև ցուցադրում էին /պրեզենտացիա/ որևէ երկիր և տեղում կազմում զբոսաշրջային փաթեթ: Հյուրերն իրենց գոհունակությունը հայտնեցին ավարտական քննությունների ընթացքում ուսանողների նաև կարողությունների ստուգման վերաբերյալ և մատնանշեցին սոցիալական գործընկերության մասնակցությունը մասնագիտական կրթության և ուսուցման իրականացման և ամփոփիչ ատեստավորման գործընթացներում, որը մեծ հնարավորություններ է ընձառում տեղում պատրաստի կադրերի ընտրության համար: Քննությունն ամփոփվեց հունական պարով ուսանողների կատարմամբ:
Միջազգային համագործակցության շրջանակներում «Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ» ՊՈԱԿ-ն ընդգրկվել է «Healthy Urban Life» ուսանողների փոխանակման միջազգային ծրագրում, որը նախատեսվում է իրականացնել մեր քոլեջում: Ծրագիրը կիրականացվի 2013թ. մարտի 20-25-ը, որին կմասնակցեն մեր քոլեջի, Ռուսաստանի Դաշնության, Լատվիայի Հանրապետության եւ Էստոնիայի Հանրապետության ուսանողները /33 հոգի/: Կազմակերպչական հարցերը քննարկելու նպատակով 2013թ. փետրվարի 15-16-ը քոլեջ էին ժամանել վերոգրյալ պետությունների ուսանողներից եւ կազմակերպիչներից բաղկացած 6 հոգանոց պատվիրակությունը:
