Հիմնադրվել է 1943թ. որպես` Սննդի արդյունաբերության տեխնիկում: 16.09.2002 թվականից ՀՀ ԿԳ նախարարի N 447-Մ հրամանով Երևանի սննդի արդյունաբերության տեխնիկումը վերանվանվել է որպես Երևանի սննդի արդյունաբերության պետական քոլեջ: 15.05.2006 թվականից ՀՀ ԿԳ նախարարի 15.05.06թ. N 357-Ա հրամանով Սննդի արդյունաբերության պետական քոլեջը վերանվանվել է` Երևանի զբոսաշրջության, սպասարկման և սննդի արդյունաբերության հայ-հունական պետական քոլեջ: Շրջանավարտներին    տրվում է ՀՀ պետական  դիպլոմ: Բարձր առաջադիմություն ունեցող ուսանողներին հնարավորություն է տրվում մասնագիտական պրակտիկան անցկացնել Հունաստանի Հանրապետությունում, որոնց տրվում է համապատասխան  ուսումնական հաստատության վկայագիր:

2007 թ.-ի վերջին CAPS-ը հայտարարել է մրցույթ, որի նպատակն է հաստատել ակադեմիական գործընկերություն Հայաստանի և ԱՄՆ-ի առաջադեմ կրթական հաստատությունների միջև: Ծրագրի նպատակն էր ժամանակակից ուսումնական ծրագրերի փոխանակման, դասավանդման նոր մեթոդների կիրառման, Հայաստանի աշխատաշուկայի կարիքների բավարարմանն ուղղված դասընթացների ներդրման, դասախոսությունների անցկացման, ինչպես նաև համատեղ գիտահետազոտական աշխատանքների անցկացման հնարավորության ընձեռել: Ընտրության արդյունքնում մեր քոլեջը ճանաչվեց հաղթող և ընդգրկվեց այս նախաձեռնության մեջ: 
CAPS-ի Ակադեմիական գործընկերություն նախաձեռնության շրջանակներում, երկու տարվա ընթացքում, մենք չորս անգամ հյուրընկալել ենք ԱՄՆ Վիրջինիայի պոլիտեխնիկական ինստիտուտի և պետական համալսարանի (Վիրջինիա Թեք) Հյուրընկալության և զբոսաշրջության կառավարման ֆակուլտետի դասախոս` դոկտոր Մահմուդ Խանին: 
Մեր քոլեջում պրոֆեսոր Խանը վերապատրաստում է իրականացրել` Սննդի անվտանգություն, Մարկետինգը և իրացումը հյուրընկալության ոլորտում, Ծառայությունների կառավարում և Հաճախորդների սպասարկում թեմաներով: